“Аҡйондоҙ һәм Аҡйегет” бәйгеһендә ҡатнашығыҙ!

Башҡортостандың халыҡ шағиры, рухи мәҙәниәтебеҙ үҫешенә тос өлөш индергән бөйөк шәхес Мостай Кәримдең тыуыуына 100 йыл тулыуға ҡарата Баймаҡ биләмә-ара үҙәк китапханаһы сая рухлы, дәртле һәм ижади йәштәр араһында “Аҡйондоҙ һәм Аҡйегет” бәйгеһе иғлан итә.

Бәйгенең маҡсаты:

– йәштәр араһында әҙиптең ижади мираҫын популярлаштырыу;

– йәштәрҙе күберәк китап уҡыуға йәлеп итеү;

– алдынғы ҡарашлы, тәрбиәле, рухлы йәштәрҙе асыҡлау;

– Мостай Кәримдең ижады аша йәш быуында патриотик ҡараш тәрбиәләү.

Бәйге 2 турҙан тора: 1-се тур – ауылдарҙа, 2-се тур – еңеүселәр төбәк бәйгеһендә ҡатнаша, төбәк бәйгеһендә еңеүселәр Халыҡ ижады үҙәгендә үтәсәк Мостай Кәримдең тыуыуына 100 йыл тулыуға арналған тантаналы кисәлә бүләкләнә.

Бәйгенең шарттары:

1.Үҙең менән таныштырыу. Слайд әҙерләү (2 мин);

2.Мостай Кәримгә 100 йыл тулыу айҡанлы әҙиптең бер китабына (әҫәренә) буктрейлер әҙерләү (бер парҙан 3 минутлыҡ);

3.Мостай Кәримдең әҫәрҙәрендәге мөхәббәт геройҙары образында сығыш яһау;

4.Шағирҙың шиғырҙарын яттан һөйләү;

5.Вальс бейеү.

Бәйгелә 16-22 йәштәге ҡыҙҙар һәм егеттәр ҡатнаша.

Белешмәләр өсөн телефон: 3-16-74