День семьи любви и верности
8 июль – ғаилә, мөхәббәт һәм тоғролоҡ көнө уңайынан йәш әсәйҙәр клубы ағзалары ҡаланың Салауат Юлаев исемендәге паркында осрашыуға йыйылды. “Ғаилә” хеҙмәте үҙәге белгесе психолог – Әминә Миңлеғәле ҡыҙы Мусина беҙҙең сарала ҡатнашыусы йәш әсәйҙәрҙең һорауҙарына яуап бирҙе. Һүҙ бер туғандар, йәш айырмаһы ҙур булмаған ул-ҡыҙҙар тәрбиәләү, үҫмерлек осоро хаҡында барҙы. Әңгәмә бик фәһемле булды, әсәйҙәр үҙҙәрен ҡыҙыҡһындырған һорауҙарға яуаптар алып ҡыуанды. Беҙҙең янға килеп, үҙ фекерҙәре, тәжрибәләре менән уртаҡлашыусы өләсәйҙәрҙең булыуы һөйөндөрҙө.