Баймаҡ биләмә-ара үҙәк китапханаһында Баймаҡ районына экспедиция менән килгән Өфө фән һәм технология университетының беренсе курс студенттары ҡунаҡта булды. Филология фәндәре кандидаттары, доценттар Фәнилә Салауатова һәм Илшат Янбаев етәкселегендәге башҡорт филологияһы, шәрҡиәт һәм журналистика факультеты ҡыҙҙары һәм егеттәре Әҙәбиәт кабинет-музейын ҡараны, китапхана менән танышты.

Махсус төркөм тарафынан 2 аҙна дауамында экспедиция ағзалары йөрөйәсәк маршрут төҙөлдө, оҙатып йөрөүселәр билдәләнде.