Халыҡ-ара ололар көнө

Баймаҡ биләмә-ара үҙәк китапханаһында Халыҡ-ара ололар көнө айҡанлы хеҙмәт ветерандарын тәбрикләү кисәһе үтте. Ҡунаҡтар мул һыйлы табын артында төрлө йылдарҙағы хеҙмәт йылдарын йылы тойғолар менән хәтерләне, дәртле һәм моңло йырҙар, китапхана һөнәренә бәйле һорауҙарға ҡыҙыҡлы һәм тос яуаптар яңғыраны. Бигерәк тә төрлө йылдарҙа төшкән фотоларҙан әҙерләнгән слайдтар һәм видеофильмдар улар тарафынан үтә йылы ҡабул ителде, командаға бүленеп караоке йырлап ярышып та алдылар. Ғөмүмән, байрам бик йылы шарттарҙа үтте, һәр береһе бөгөнгө байрамға ҡыуанып килеүен әйтеп, ихлас рәхмәт һүҙҙәре әйтеп таралышты.
Хөрмәтле ветерандарыбыҙға алдағы тормоштарында ҡоростай сәләмәтлек, аҡ бәхеттәр, оҙон, тыныс, мул, татыу тормош теләйбеҙ! Намыҫлы хеҙмәтегеҙ өсөн һәр ваҡыт оло хөрмәт кисереп, оҙон-оҙаҡ йылдар яҡындарығыҙға терәк-таяныс булып, уларҙан мәрхәмәт, изгелек күреп бәхетле ҡартлыҡ кисереп йәшәргә насип булһын!