Батыр ирҙән ҡала дан-аманат, Бахыр ирҙән ҡала яманат. - Хәсән Назар
Меню
Навигация
Вход в систему

Яндекс.Метрика

 

Рейтинг@Mail.ru

     

 
AddThis

PostHeaderIcon 21 март-шиғриәт көнөндә Баймаҡ биләмә-ара үҙәк китапханаһында китаптар авторы, һәүәҫкәр композитор, райондың Батыр Вәлид исемендәге премияһы лауреаты Борис Мөхәмәт улы Хәйретдиновтың яңы китабының исем туйы үтте.

21 март-шиғриәт көнөндә Баймаҡ биләмә-ара үҙәк китапханаһында китаптар авторы, һәүәҫкәр композитор, райондың Батыр Вәлид исемендәге премияһы лауреаты, мәғариф ветераны, крайҙы өйрәнеүсе, «Атайсал» клубы рәйесе, әүҙем йәмәғәт эшмәкәре Борис Мөхәмәт улы Хәйретдиновтың яңы китабының исем туйы үтте. «Ғүмер юлы» китабы авторҙың сираттағы ижад емеше. Сарала Борис Мөхәмәт улының ҡатыны Рәсимә ханым, дуҫтары, Йәнгүҙәй әҙәби - ижады түңәрәгенән ҡәләмдәштәре, ағинәйҙәр, ҡаланың Өфө яғыулыҡ - энергетика колледжының Баймаҡ филиалы студенттары ҡатнашты. Борис Хәйретдинов үҙе уҡытҡан ҡаланың 4 - се лицейы уҡыусылары авторҙың шиғырҙарын уҡыны, өлгөлө «Мираҫ» фольклор ансамбле егеттәре авторҙың Баймаҡҡа арналған йырын башҡарҙы. «Йәнгүҙәй» ижад берекмәһе ағзалары экология йылына арнап яҙған шиғырҙарын уҡып ишетерҙе.

PostHeaderIcon Донъя йәмле матур ханымдар менән

8 Март-Халыҡ-ара ҡатын-ҡыҙҙар көнө уңайынан Баймаҡ биләмә-ара үҙәк китапханаһында төрлө өлкәлә хеҙмәт иткән гүзәл ҡатын-ҡыҙҙар, ағинәйҙәр ҡатнашлығында әҙәби-музыкаль кисә уҙҙы.  Сараға ирҙәр һөнәрен үҙләштереп, ғүмере буйына  37 йыл токарь булып эшләп хаҡлы ялға сыҡан Мәфрүзә Зәйнәғәбдинова, Баймаҡ механика ҡойоу заводының иретеп ҡойоу цехында 1982-се йылдан стерженница булып эшләүсе Әлфиә Ҡарағолова, 33  йыл ғүмерен “Йондоҙло” балалар баҡсаһында хужалыҡ эштәре буйынса ярҙамсы эшенә арнаған  Наилә Такаева, 38 йыл район элемтә үҙәгендә хат ташыусы булып хеҙмәт юлы үткән Әлнисә Сәйфуллина, бар ғүмерен изге, миһырбанлы һөнәр-акушерлыҡҡа бағышлаған Раҡыя Хисмәтуллина, китапхананың тоғро дуҫы, иң күп китап уҡыусы дуҫыбыҙ-Гүзәл Юнысбаева һәм башҡалар саҡырылды. Өс бала әсәһе Гөлдәр Ниғмәтуллина балаларын милли рухта тәрбиәләп кенә ҡалмай, музыкаль белемле тормош юлдашы менән уларҙың ижади һәләттәрен дә аса. Кисәлә Ниғмәтуллиндарҙың улы һәм ҡыҙҙары  сарала ҡатнашыусыларға музыкаль күстәнәс алып килгәндәр ине. Был ҡатын-ҡыҙар кем генә булып эшләмәһен барыһын да бер уй, бер хә

PostHeaderIcon "Йәнгүҙәй" әҙәби-ижад берекмәһенең сираттағы ултырышы уҙҙы.

2 мартта, Баймаҡ үҙәк китапханаһында ҡәләм тибрәтеүсе баймаҡтарҙы берләштереүсе "Йәнгүҙәй" әҙәби-ижад берекмәһенең сираттағы ултырышы уҙҙы. Шиғриәт һөйөүселәр был юлы күренекле шағир Рәми Ғариповтың ижадына байҡау яһаны. Йәнгүҙәйҙәр талантлы шағир, үлемһеҙ әҫәрҙәр авторына бағышлап яҙылған шиғырҙарын да уҡып ишеттерҙе. Тәрән йөкмәткеле шиғыр авторҙары-Ниғәмәттән Рәйсә Иҫәнбаева, Буранбайҙан Гөлнур Раева һәм Ҡафия Буранбаева, Сыңғыҙҙан Миңлеямал Балхина, Ғүмәрҙән йәш шағирә-Раушания Салихова иҫтәлекле бүләктәр менән бүләкләнде.

PostHeaderIcon Ватанды һаҡлаусылар көнө уңайынан яугир-интернационалистар менән осрашыу.

Ватанды һаҡлаусылар көнө уңайынан Баймаҡ үҙәк китапханаһында ҡыҙыу нөктәләрҙә хәрби бурысын үтәгән яугир-интернационалистар –Туңғатаров Рәсүл Әсғәт улы, Әминев Хөснөтдин Хөснулла улы Урал аръяғы аграр сәнәғәт колледжы студенттары һәм ҡаланың өсөнсө урта мәктәбе уҡыусылары менән осрашты. Сарала район ағинәйҙәре ҡоро ағзаһы, мәғариф ветераны Сәкинә Мортаҙа ҡыҙы Иҫәнғолова, элекке ҡаланың 105-се һөнәрселек училищеһы уҡытыусыһы, мәғариф ветераны Ғүмәров Хәлил Зәбир улы, район ветерандар Советы рәйесе урынбаҫары Чипенко Геннадий Яковлевич ҡатнашты. Балалар ижады үҙәгенән Рәйлә Бикбирҙинаның тәрбиәләнеүселәре һәм Дмитрий Фадеев башҡарыуындағы йырҙар сарала ҡатнашыусыларҙың күңеленә хуш килде.Яугир интернационалистарға  иҫтәлекле бүләктәр тапшырылды. Сараны  китапхана хеҙмәткәрҙәре Сәрүәр Иҙелбаева һәм Елена Викторова юғары кимәлдә алып барҙы.

PostHeaderIcon Баймаҡ үҙәк китапханаһында Башҡортостандың халыҡ шағиры Рәми Ғариповтың тыуыуына 85 йыл тулыу йыл тулыу айҡанлы әҙиптең шиғырҙарын яттан һөйләүселәр конкурсы үтте.

Баймаҡ үҙәк китапханаһында Башҡортостандың халыҡ шағиры Рәми Ғариповтың тыуыуына 85 йыл тулыу йыл тулыу айҡанлы әҙиптең шиғырҙарын яттан һөйләүселәр конкурсы үтте. Бәйгелә район һәм ҡала мәктәптәренән 114 уҡыусы ҡатнашты. Конкурс өс төркөмдә: 1-5, 6-8 һәм 9-11 класс уҡыусылары араһында барҙы. Баһалама ағзалары тарафынан иһә барыһы ла иҫәпкә алынды: тасуири һөйләү ҙә, ятланған юлдар һаны ла, музыкаль инструменттар ҡулланыу ҙа. Шулай итеп, бәләкәстәр араһындағы төркөмдә:

PostHeaderIcon Район ағинәйҙәре ҡор йыйҙы.

         

13 февраль көнө Баймаҡ үҙәк китапханаһында  Баймаҡ районы ағинәйҙәр клубының йыйылышы уҙҙы. Был ил инәләренең ағымдағы йылда бергәләшеп тәүгә йыйылыуы. Сараға ҡаланан тыш, 24 ауылдан ағинәйҙәр килде. Йылы осрашыуҙа 3- сө мәктәп уҡыусылары ла ҡатнашты. Ағинәйҙәр ойошторған "Өләсәйем һандығы" тип аталған үҙенсәлекле сара -  өлкән быуындың йәштәргә халҡыбыҙ йолалары, аҫыл ҡомартҡыларыбыҙ тураһындағы хәтерҙе, оҫталыҡ серҙәрен тапшырыуҙы маҡсат итеп алғайны. Инәйҙәрҙең ҡул эштәренән торған сағыу күргәҙмә иһә китапхана залын бер мәлгә сихри мөйөшкә әүерелдерҙе, үткәндәргә алып ҡайтты. Йыйылыштың икенсе өлөшөндә ағинәйҙәр ағымдағы йылға эштәр планын төҙөнө, йәмғиәттәге көнүҙәк проблемаларҙы һәм уларҙы сисеүҙә ағинәйҙәрҙең халыҡ араһында тағы ла киңерәк ҡолас менән эшләү юлдарын барланы.  Замана уңайлыҡтарына күмелеп, юҡҡа сыға барған ғөрөф-ғәҙәттәребеҙҙе тергеҙеү, ерҙе, илде, телебеҙҙе һөйөргә, һаҡларға  өйрәткән йолаларыбыҙға йән өрөп ебәреүҙе ағинәйҙәр төп бурысы тип һанай. 

PostHeaderIcon Cегодня, 8 февраля в центральной районной библиотеке прошла презентация книги «По зову души» поэта-земляка Константина Павловича Лапина

   Cегодня, 8 февраля в центральной районной библиотеке прошла презентация еще одной книги поэта-земляка Константина Павловича Лапина. Книга «По зову души»- это четвертое творение поэта. На презентации новой книги автора присутствовали члены литературного клуба «Зеленая лампа», действующая при центральной библиотеке, студенты Баймакского филиала УТЭК. 
Его лирика совершенно особая. В каждой строчке поэт передает свои самые сокровенные переживания. Соединение вечных тем и мотива Родины характерно для всей лирики поэта. Стихи Константина Лапина-это достойная лепта в поэзию родного края, каждая строчка-признание в любви родной земле, деревне, людям.

PostHeaderIcon Сегодня, 25 января в Баймакской центральной библиотеке прошло мероприятие, посвященное Дню студента.

Сегодня, 25 января в Баймакской центральной библиотеке прошло мероприятие, посвященное Дню студента. В мероприятии участвовали студенты Зауральского агропромышленного колледжа. Улыбки и смех гостей мероприятия наполнили читальный зал библиотеки. «Татьянин день» - любимый праздник студенчества. В этот день принято весело проводить время, поздравлять всех Татьян и вспоминать Татьяну-великомученицу, с чьим именем связана история этого праздника. А для студентов – это еще один повод повеселиться в кругу друзей, погадать на удачу и успехи в учебе и даже признаться в любви – признания, сделанные в этот день, считаются особенно удачными  в студенческой среде.

PostHeaderIcon 19 ғинуар көнө, Буранбай Исҡужинға 65 йәш арналған хәтер һәм ҡәҙер кисәһе үтте.

Быйыл яҡташыбыҙ, шағир, драматург, прозаик Буранбай Исҡужинға 65 йәш тулған булыр ине. Ошо уңайҙан бөгөн, 19 ғинуар көнө Баймаҡ үҙәк китапханаһында талантлы яҡташыбыҙға арналған хәтер һәм ҡәҙер кисәһе үтте. Сарала әҙипте белгән, хөрмәт менән яҡташтары, Өфө яғыулыҡ-энергетика колледжының Баймаҡ филиалы һәм Урал аръяғы ауыл хужалығы колледжы студенттары ҡатнашты.

 

PostHeaderIcon Юлай Мәҡсүтов исемендәге район журналистика премияһы лауреаты билдәләнде

Юлай Мәҡсүтов исемендәге район журналистика премияһы лауреаты билдәләндеЯҡташыбыҙ, күренекле журналист Юлай Хөрмәт улы Мәҡсүтовҡа быйыл 55 йәш тулған булыр ине. Тыуған яғыбыҙҙың ялҡынлы патриотының исемен мәңгеләштереү, киң мәғлүмәт саралары хеҙмәткәрҙәренең ижади әүҙемлеген күтәреү, уларҙы дәртләндереү маҡсатында Баймаҡ биләмә-ара үҙәк китапханаһы 2008 йылда Ю.Мәҡсүтов исемендәге район журналистика премияһын булдырғайны. Ошо ваҡыттан бирле был премияның дүрт лауреаты билдәләнде: Зөлфиә Сафина, Гүзәл Иҫәнгилдина, Айгөл Иҙелбаева һәм “Атайсал” гәзитенең хәбәрсеһе Резеда Усманова. Быйыл иһә, был премияға "Баймакский вестник" газетаһы хәбәрсеһе Земфира Ғәҙелшина лайыҡ булды. Һәләтле йәш журналисты был уңышы менән ихлас ҡотлайбыҙ!

Участник IV Республиканского конкурса -Лучший библиотечный сайт

Найти
Рубрика "Новые книги"
Хазиахметов, Ш. С. Господин Литератор : роман-эссе, повесть, расска­зы / Шамиль Хазиахметов. — Уфа: Китап, 2016. — 304 с.